भारत की संस्कृति के लिए... भाषा की उन्नति के लिए... साहित्य के प्रसार के लिए
खुद वीं भग्यानी की / ओम बधानी
Kavita Kosh से
Abhishek Amber (चर्चा | योगदान) द्वारा परिवर्तित 17:13, 6 फ़रवरी 2020 का अवतरण ('{{KKGlobal}} {{KKRachna |रचनाकार=ओम बधानी }} {{KKCatGadhwaliRachna}} <poem> हिया रणमिण...' के साथ नया पृष्ठ बनाया)
हिया रणमिणी लगैगे-लगैगे
खुद वीं भग्यानी की
मन उदासू सरैगे-सरैगे
खुद वीं भग्यानी की
खांद खै नि सक्यौं,स्येंद स्यै नि सकी
उठि हूक इनी हिटि न थौ खै कखी
हवै तवै मचैगे-मचैगे
खुद वीं भग्यानी की
भीड़ म ह्वैक भि एकुलू बेकुलू
वींकु सोर,रटन कब मुखुड़ि देखुलू
पापी फक-फक रूवैगे-रूवैगे
खुद वीं भग्यानी की
रूप घनघोर थौ,ज्वानि झकाझोर थै
दुन्या म हैंकि नि देखि, क्वी वीं से सवै
माया कुरमुरी जगैगे -जगैगे
खुद वीं भग्यानी की
गैल्या चखुला दीदे,पंखूर मैसणी
अंग्वाळि लगी भेंटि औलु वीं सणी
मेरू मन तरसैगे-तरसैगे, खुद वीं भग्यानी की
