भारत की संस्कृति के लिए... भाषा की उन्नति के लिए... साहित्य के प्रसार के लिए
तीस / ओम बधानी
Kavita Kosh से
Abhishek Amber (चर्चा | योगदान) द्वारा परिवर्तित 17:18, 6 फ़रवरी 2020 का अवतरण ('{{KKGlobal}} {{KKRachna |रचनाकार=ओम बधानी }} {{KKCatGadhwaliRachna}} <poem> तेरि माया क...' के साथ नया पृष्ठ बनाया)
तेरि माया कु तीसु छौं
तीसू रौंलु
हाथु क रेखड़ौं म होंदु भाग
त्वै पौंलु त सच माणि जौंलु
छमोटौं न भि तीस बुझदि नी
तेरि एक बुंदन धित्यै भि जौंलु
तु धोर छै सुनिंद छौ लाटु छौ मै
नि जाणि एक दिन स्याणि कौंेलु
सुपन्यौं म भि औणौ बग्त त्वैमा नी
मै अमणी कि रात,भि सारा रौंलु
सौं करारू कि टुटीं माळा
उमर भर मेटणु,गंठ्यौणु रौंलु
तेरू बदल्यूं रंग गेड़ हुयाीं छ
नि गणली जब तैं घंगतोळ म रौंलु
त्वैक धुंधकार उठाईं यै मन की
पुळेलु जब तैं पुळ्यौणु रौंलु
