भारत की संस्कृति के लिए... भाषा की उन्नति के लिए... साहित्य के प्रसार के लिए
नया अतीत लिखोॅ / राहुल शिवाय
Kavita Kosh से
Rahul Shivay (चर्चा | योगदान) द्वारा परिवर्तित 19:53, 18 फ़रवरी 2020 का अवतरण ('{{KKGlobal}} {{KKRachna |रचनाकार=राहुल शिवाय |अनुवादक= |संग्रह= }} {{KKCat...' के साथ नया पृष्ठ बनाया)
कानोॅ नै खाली अतीत पर
नया अतीत लिखोॅ
सच के ड्योढ़ी दीया बारी
बैठी गेलै सांझ
तारा नै झलकै एक्को गो
रात लगै छै बांझ
झौड़ गिरे लागै आँखी सेॅ
अहिनोॅ गीत लिखोॅ
खाली खरखाही, बकथोथी
छै सगरो अँधियार
मातुर सच बांचों तोंही तेॅ
भे जैतै उजियार
जे झगड़ै छैए झगड़ै मातुर
तोंहे प्रीत लिखोॅ
मानै छियै मिलै नै छै अब
बंसी केरोॅ टेर
सबा सेर सब्भै छै आबेॅ
नै झलकै इक सेर
छल-बल केॅ नै जीत गिनाबोॅ
सच केॅ जीत लिखोॅ
