भारत की संस्कृति के लिए... भाषा की उन्नति के लिए... साहित्य के प्रसार के लिए
गऊवा के माटी / सुभाष चंद "रसिया"
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 13:51, 27 मार्च 2020 का अवतरण ('{{KKGlobal}} {{KKRachna |रचनाकार=सुभाष चंद "रसिया" |अनुवादक= |संग्रह...' के साथ नया पृष्ठ बनाया)
गउवा के माटी हमके बुलावे लागल।
याद बचपन के सगरी दिलावे लागल॥
पनघट किनारे पीपल की छैया।
झिझिया खेलावे कागज के नैया।
चिटा-चींटी के सैर करावे लागल॥
गउवा के माटी हमके बुलावे लागल॥
बचपन की घड़ियाँ कुइया के पानी।
दादी सुनावे रोज हमके कहानी।
ठूठका पीपरा डगरिया बतावे लागल॥
गऊवा के माटी हमके बुलावे लागल॥
नज़र से बचे खातिर कजरा लगावे।
अचरवा ओढाकेआपन दुधवा पिलावे।
माई के याद हमके सतावे लागल॥
गऊवा के माटी हमके बुलावे लागल॥
लोगवा पटावे आज लाल-तलैया।
लागल बा आग कहे गऊवा में भैया।
भाई-भाई अंगनवा बतावे लागल॥
गऊवा के माटी हमके बुलावे लागल॥
