सहयात्री उज्यालोको खोजी / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » नृशंस पर्खालहरू »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

घाम घामजस्तै उदायो भने
बिहान बिहानजस्तै रमायो भने
घाम रमाएको बिहानजस्तो
अनुहारहरूमा उदाउनेछ
सुन्दर दिनको प्रतिबिम्व
 
हरेक रात
उस्तै हुँदैनन् निद्राहरू
हरेक निद्रामा
उस्तै हुँदैनन् सपनाहरू
सपनाहरूको आँखा हो घाम
आँखाहरूको बाटो हो सपना
सपना र आँखाको यात्रामा
सहयात्री पाइला हुनुपर्छ घाम
 
यसपटक
धेरै गहिरो रातबाट
एकाएक
निद्राभन्दा पहिले ब्यूँझिए सपनाहरू
र उठे
नयाँ बिहानको खोजीमा
एक मुस्लो आवाज भएर उठे
 
सपनाहरू अस्त्र थिए
सपनाहरू सस्त्र थिए
अशान्त रातहरू च्यातेर
काला अवशेषहरू भत्काएर
फालेर
पर्खिरहे सपनाहरू
पर्खिरहे आँखाहरू
सहयात्री घामसँग
पर्खिरहे
उज्यालो यात्राको शुभारम्भ।