आभास / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » नृशंस पर्खालहरू »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अँध्यारा-उज्याला क्षणहरू
विगत जीवनमा
जो भेटिए- सँगालेको छु,
घुम्दै पथिकसरि यतै कतै
जीवन खुसीसाथ अँगालेको छु ।
 
हिँड्दै जाँदा दूर-यात्राबीच
दुई-चार बाटा भुलेको छु,
एकै पाइलाको परिधिभित्र
सयौँ यात्रा डुलेको छु ।
 
हाँस्दै कतै, रोई कतै
हिउँद-वर्षा कटाएको छु,
घृणा पाई कतै फ्याँकिए पनि,
मित्रतामा यो मन फुकाएको छु ।
 
बसेको लेउ यो दिलभित्र
धुँदै-सुकाउँदै गरेको छु,
कसैको आँखामा फूल फुल्दा,
कसैमा धूलो परेको छु ।