भारत की संस्कृति के लिए... भाषा की उन्नति के लिए... साहित्य के प्रसार के लिए
तिमी पग्ले / गीता त्रिपाठी
Kavita Kosh से
Sirjanbindu (चर्चा | योगदान) द्वारा परिवर्तित 10:05, 3 मई 2020 का अवतरण ('{{KKGlobal}} {{KKRachna |रचनाकार= गीता त्रिपाठी |अनुवादक= |संग्रह=थ...' के साथ नया पृष्ठ बनाया)
तिमी पग्ले सगरमाथा सधैँ अग्लिर'न्थ्यो
शिरमाथि जूनघाम सधैँ साँचूँ भन्'थ्यो
निहुरिएर अरूलाई उचाइ दियौ भने
झुकीझुकी तिमीलाई सलाम गर्ने मन'थ्यो
हिजोआज मान्छेहरू आफैँ ठूला बन्छन्
माथि जान चाहनेलाई तल खाल्डो खन्छन्
यस्तो बेला खसेकालाई हात दियौ भने
झुकीझुकी तिमीलाई सलाम गर्ने मन'थ्यो
आजभोलि छातीभित्र दुख्छ अर्कै घाउ
कतै छैन यसको मर्म नपुगेको ठाउँ
त्यै घाउलाई भराउने मलम भयौ भने
झुकीझुकी तिमीलाई सलाम गर्ने मन'थ्यो
