यो साँझ बित्छ यसै / गीता त्रिपाठी

यो साँझ बित्छ यसै
यो रात ढल्छ त्यसै
यो तृष्णा न हो बगरको
चाहना जल्छ यसै यसै

यहाँ ढुकढुकीमा थर्किरहेछ मुटु
यहाँ पर्खाइमा तड्पिरहेछ मुटु
निरास उदास यी आँखा
टोलाइदिन्छन् त्यसै
यो तृष्णा न हो बगरको
चाहना जल्छ यसै यसै

यहाँ मायाको अर्थ
दिनदिन खुम्चिरहेछ
पवित्र प्रेमलाई धोका भइरहेछ
मायाका फूल हजार
ओइलिरहेछन् त्यसै
यो तृष्णा न हो बगरको
चाहना जल्छ यसै यसै