भारत की संस्कृति के लिए... भाषा की उन्नति के लिए... साहित्य के प्रसार के लिए
कहिले लाग्छ / गीता त्रिपाठी
Kavita Kosh से
Sirjanbindu (चर्चा | योगदान) द्वारा परिवर्तित 12:17, 3 मई 2020 का अवतरण ('{{KKGlobal}} {{KKRachna |रचनाकार= गीता त्रिपाठी |अनुवादक= |संग्रह=थ...' के साथ नया पृष्ठ बनाया)
के के खेल्छ मनमा कुरा आफैँलाई दुख्छु
कहाँ कहाँ नभेटिने मर्म छुन पुग्छु
कहिले लाग्छ जिन्दगी यो टुक्रा पारी फालूँ
लाग्छ कहिले यसैलाई नयाँ रङ्ग हालूँ
फुलेपछि कति हुन्छन् बास्ना लिनेहरू
खडेरीमा रुनुपर्छ एक्लै धुरुधुरु
कहिले लाग्छ पीरको कथा भीरैबाट फालूँ
लाग्छ कहिले यसैलाई नयाँ रङ्ग हालूँ
ढाँटिहिँड्छु आफैँलाई व्यथा लुकाउँछु
एकान्तमा मनको गाँठो एक्लै फुकाउँछु
कहिले लाग्छ हिँड्दाहिँड्दै यात्रा छोट्याइहालूँ
कहिले लाग्छ यसैलाई नयाँ रङ्ग हालूँ
•
