भारत की संस्कृति के लिए... भाषा की उन्नति के लिए... साहित्य के प्रसार के लिए
आफूलाई बेचिसके पछि / विमल निभा
Kavita Kosh से
Sirjanbindu (चर्चा | योगदान) द्वारा परिवर्तित 11:09, 4 मई 2020 का अवतरण ('{{KKGlobal}} {{KKRachna |रचनाकार= विमल निभा |अनुवादक= |संग्रह= }} {{KKCatKav...' के साथ नया पृष्ठ बनाया)
एकाएक उसको ब्याङ्क ब्यालेन्स बढ्यो
त्यसपछि उसले हात बेच्यो
र किन्यो एउटा न्यानो पन्जा
खुट्टा बेच्यो
र किन्यो एउटा चम्किलो बुट
निधार बेच्यो
र किन्यो एउटा टीका
छाती बेच्यो
र किन्यो एउटा तक्मा
दृष्टि बेच्यो
र किन्यो एउटा चस्मा
शरीर बेच्यो
र किन्यो एउटा पोशाक
चेतना बेच्यो, गौरव बेच्यो,
विश्वास बेच्यो, आशा बेच्यो,
गति बेच्यो, आत्मा बेच्यो
र किन्यो थुप्रै–थुप्रै चीजबीचहरु
जसको लिस्ट उसले बनाइसकेको छैन
सारा सामानहरु ड्रइङरुममा
सजाइसकेपछि
एकदिन उसले सोच्यो
यी सबै चीजबीजहरु कसका लागि ?
किनभने उसले त आपूmलाई बेचिसकेको छ
