यति चाँडै कसरी बिर्सूँ / किरण खरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

किरण खरेल »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

यति चाँडै कसरी बिर्सूँ सिमसिमे पानीले रुझेको
मोतिजस्तो पानीको थोपा तिम्रो कालो केशमा तर्केको

सुनसान बाटो थियो सुनबुट्टे रात
हिँड्दहिँड्दै छोइएथे सुकुमारी हात
धड्कनले आपसमा गरेका झैँ कुरा
झन्झनाई बजे तिम्रा चिरबिरे चुरा
यति चाँडै कसरी बिर्सूँ सिमसिमे पानीले रुझेको

बाटो हिंड्ने दुइजना एउटा थियो छाता
जुलाफी ति तिम्रा गाला देखिएथे राता
तिम्रो भने भिजेको थियो आधा जिउ सारा
मैले भने पुछेको थिए पसिनाका धारा
यति चाँडै कसरी बिर्सूँ सिम्सिमे पानीले रुझेको

कपालको पानी आई पृथ्वीमा छर्की
कुन्नी किन भागेकी ‘थ्यौ अलिकति तर्की
दुई कदम पर तिम्रा पाउ रोकिएथे
अचानक यो छातीमा सास छेकिएथे
यति चाँडै कसरी बिर्सूँ सिमसिमे पानीले रुझेको