भारत की संस्कृति के लिए... भाषा की उन्नति के लिए... साहित्य के प्रसार के लिए
बालमैत्री विद्यालय / दीपक शम्चू
Kavita Kosh से
Sirjanbindu (चर्चा | योगदान) द्वारा परिवर्तित 19:57, 11 मई 2020 का अवतरण ('{{KKGlobal}} {{KKRachna |रचनाकार=दीपक शम्चू |अनुवादक= |संग्रह= }} {{KKCatKav...' के साथ नया पृष्ठ बनाया)
पुतली झैँ सजिएर
पङ्क्तिबद्ध लाइनमा
सतर्क उभिरहेकी कोपिलाले
मेरा आँखामा आँखा रोपेर
अँजुली फैलाउँदै भनी
“आई ह्याभ्’ वन्ट ह्याङ्की सर !
हीट मी.”
मेटिएकै थिएनन्
डोरिँदै–डोरिँदै आएर
उसको हातबाट छुटी फर्केका
स्नेही औँलाका छापहरू
अनायास उठेको मेरो हत्केलाबाट
भक्लक्क लडिझर्यो
छातीभित्र ढुक...ढुक..., ढुक...ढुक... उफ्रिरहेको मुटु ।
बाहिर निस्केपछि,
सडक किनारबाट
उड्नलाई तयारी अवस्थामा रहेको
जेटविमानझैँ ठूलो होडिङ्बोड्मा
अचानक खसे मेरा आँखा
जहाँ लेखिएको थियो
“यहाँ बालमैत्री वातावरणमा पढाइ हुन्छ ।”
