दिन हो सधैँ एकै हुन्न परिवर्तन हुन्छ / मञ्जुल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

मञ्जुल » दुई हरफ ओठहरू »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

 नदी
 
दिन हो सधैँ एकै हुन्न परिवर्तन हुन्छ
तुषारोले खाने फूललाई वसन्तले छुन्छ
तिमी त झन् पहाड न हौ धैर्य तिम्रो नाउँ
घाम-जून पालैपालो गरी हाँस्ने ठाउँ
 
आकाशले आकाश भई धर्म थाम्यो भने
पहाडले पहाड भई धर्म थाम्यो भने
धरतीको सौन्दर्य यो खेर जान्न कैले
धर्ती विरूप हुन्छ बुझ्यौ ! पहाड ढल्छ जैले
 
हाँसो मात्र जीवन हैन आँसु पनि जीवन
आँसु-हाँसो मिली बस्ने सङ्घर्ष झन् जीवन
आफू जे हौ त्यसलाई चिन, जिन्दगीलाई चिन
प्रिय पहाड ! एकदिन आउँछ तिमी हाँस्ने दिन ।