भारत की संस्कृति के लिए... भाषा की उन्नति के लिए... साहित्य के प्रसार के लिए
सपना आस के देखल जाई / जलज कुमार अनुपम
Kavita Kosh से
Jalaj Mishra (चर्चा | योगदान) द्वारा परिवर्तित 13:21, 15 जून 2020 का अवतरण
बरखा के दिन उतर चुकल बा
कुचकुच अनहरिया पसरल बा
अरजल धन खतम हो गइल
बांचल बा अब ऊहो जाई
तबो खतम ना होखी दुनिया
फेर से सपना देखल जाई
सपना बा त जिनगी बाटे
जिनगी बा त सपना बाटे
आन्ही पानी आई जाई
समय दुखाई, समय रिगाई
आई प्रलय त देखल जाई
आँख नीन से माँतल बाटे
कुछऊ होखे सूतल जाई
कुछ ना बाँची तब्बो भइया
सपना आस के देखल जाई ।
