भारत की संस्कृति के लिए... भाषा की उन्नति के लिए... साहित्य के प्रसार के लिए
युद्धग्रस्त सहरमा / रमेश क्षितिज
Kavita Kosh से
Sirjanbindu (चर्चा | योगदान) द्वारा परिवर्तित 15:31, 23 जून 2020 का अवतरण ('{{KKGlobal}} {{KKRachna |रचनाकार=रमेश क्षितिज |अनुवादक= |संग्रह=घर...' के साथ नया पृष्ठ बनाया)
प्रेम वर्जित छ यो सहरमा
निषेधित छ मुस्कान
हिड्दाहिड्दै दागिनसक्छ छातिमा सङ्गीन
वा टाउकोमाथि खस्न सक्छ तुलबम
हतियारसहित आएको कुनै अज्ञात समूहले
गर्नसक्छ अपहरण घरभित्रबाटै
वा कपालका रौं हल्लाएर जानसक्छ बन्दुकको गोली
एकछिनअघि झन्डाझैँ हावामा लहराइरहेको
ट्राफिक समयको हात
टक्क थामिएको छ यतिखेर
र जीवनका सुनसान राजमार्गहरूमा केवल
रातको कुकुरझैँ रुँदै दौडेका छन् साइरनहरू
यस्तोबेला पुग्नु छ मलाई हुलाकघरसम्म
र लिएर आउँनुछ
टाढाबाट मेरी प्रियतमाले पठाएको
जन्मदिनको शुभकामना कार्ड !
