रेलमा फर्किदै गर्दा / रमेश क्षितिज

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रमेश क्षितिज » घर फर्किरहेको मानिस »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

एउटा नौलो सहरको जमिनमूनिको रेलवे स्टेसनमा
सल्बलाइरहेथ्यो मानिसहरूको भिड
घारमा चिप्लिरहेका माहुरीहरूजस्तै भएर
कुन धुनमा चढेछु पूर्व जाने रेल
अर्को स्टेसन पुग्नुअगावै
सँगैको सिटमा बसेर उँघिरहेको यात्रीले
बिउँझेपछि भन्यो–
पश्चिमतिर पो पर्छ तिमी पुग्ने ठाउँ !
फेरि उही बाटो उही स्टेसनतिर फर्किँदै गर्दा रेलमा
थाह भयो यसरी एकातिर पुग्छु भनेर हिँडेको जिन्दगी
चढ्दोरहेछ अनेकौपल्ट
अर्कै दिशातिर दौडिरहेको समयको द्रूत रेलमा
जस्तो–
साँझको ताराजस्तो भएर झरेको छ
मेरो चम्किलो सपना समुद्रमा
जसलाई खोजूँला म सधैँ ती धमिला पर्वतहरूतिर .........