महान पीडा / रमेश क्षितिज

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रमेश क्षितिज » घर फर्किरहेको मानिस »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अनायास
उदासीको हुस्सु खसेर छोप्छ मेरो अनुहार
समुद्रको किनारजस्तो बन्छ हृदय
उर्लिनथाल्छन्– हजार ज्वारभाटाहरू एकैपल्ट
जब देख्छु आँगनमा
एक–एक दाना टिप्दै गरेकी चराकी आमालाई !

झरीमा रुझ्दै
कहिले सहँदै असिना र चर्को घाम
उडिरहन्छे चराकी आमा– नाँघ्छे दुर्लङ्घ्य पहाडहरू
नदी र डाँडाहरू
रूख, जङ्गल र हरिया बुट्यानहरू
तर एक दिन
जब लाग्नेछ पखेटा बचेराहरूको
उड्नेछन् उनीहरू माथि माथि
बिर्सिनेछन् झोक्राएर तल बसेकी त्यो एक्ली चरी
र पुरानो गुँडलाई

चराहरूकै आमा हुँ सायद म पनि
अनन्त सम्भावनाहरू कुल्चेर
एकदिन टाढा जानेछ मेरो प्रिय खुसी

मसँग बाँकी रहनेछ फगत्
एक महान् पीडा !