भारत की संस्कृति के लिए... भाषा की उन्नति के लिए... साहित्य के प्रसार के लिए
बहइ पुरवइया दुआर हो ! / ओम निश्चल
Kavita Kosh से
अनिल जनविजय (चर्चा | योगदान) द्वारा परिवर्तित 20:05, 25 जुलाई 2020 का अवतरण
लोकवार्ता और लोकधुनों के रसिक प्रभात पांडेय कोलकाता
और कवयित्री व लोक गायिका सुधी इन्दुबाला शंकर जी के लिए
बहइ पुरवइया दुआर हो
भादों कै रात अन्हियार हो ।
बरसइ झकाझोर ऊपर से पानी
चुवै मढ़इया चुवै लागी छानी
फूटल बा आपन लिलार हो ।
भादों कै रात अन्हियार हो ।
घर मा न मनई न रान्हा परोसन
केहिका से कही जाई दुखड़ा ई आपन
डूबि जाई छपरा-ओसार हो ।
भादों कै रात अन्हियार हो ।
गांठ गांठ भरि गइले खेतवा मा पानी
अबकी तौ बूूड़़ि गइल जानौ किसानी
सून रहिहैं बखरी-बखार हो ।
भादो कै रात अन्हियार हो ।
बीत गइले सावन सजन नहीं अइलें
रेलिया बैरिया भी रहिया भुलइले
फीक लागय तीज-त्योहार हो ।
भादों कै रात अन्हियार हो ।
दुनिया में फैली बा कइसी बीमारी
रिस्ता औ नाता न न्यौता हँकारी
दुनिया ई भइले उजाड़ हो ।
भादों कै रात अन्हि़यार हो ।
