भारत की संस्कृति के लिए... भाषा की उन्नति के लिए... साहित्य के प्रसार के लिए
स्वीकार नगर / येहुदा अमिसाई / सुमन पोखरेल
Kavita Kosh से
Sirjanbindu (चर्चा | योगदान) द्वारा परिवर्तित 21:43, 20 अगस्त 2020 का अवतरण ('{{KKGlobal}} {{KKRachna |रचनाकार=येहूदा आमिखाई |अनुवादक=सुमन पोखर...' के साथ नया पृष्ठ बनाया)
ढिलो आएका यी बर्सात्लाई स्वीकार नगर।
बरू अलमल गरिदेऊ।
तिम्रा दु:खलाई मरूभूमिको विम्व बनाऊ।
यो सबै भनिसकेको हो भन्देऊ, र
पश्चिमतिर नहेर।
अस्वीकार गरिदेऊ, आत्मसमर्पण गर्न।
यस वर्ष पनि
लामो गर्मीभरि एक्लै बाँच्ने कोशिस गर।
सुक्दैगरेका तिम्रा आफ्नै रोटी खाऊ,
आँशुबाट निस्क,
र नसिक अनुभवबाट ।
आधा रातमा फर्किने गरेको
मेरो युवाकालको उदाहरण लेऊ।
पोहरको बर्सात्मा जेसुकै लेखिए पनि
केही फरकपर्ने छैन यसपाली।
तिम्रा अनुभूतिहरूलाई मेरै भावना ठान।
सबै थोक पहिलेझैँ हुनेछ -
अब्राहम फेरि अब्राम हुनेछ र
सराह फेरि हुनेछे सरई।
