पट्टी / माना आगाई / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

माना आगाई » सुमन पोखरेल» इरानी नारीका कविता »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

असङ्ख्यपल्ट घाइते भएका छौँ हामी
हाम्रा भान्सामा भएका पट्टी लगाएर
उपचार नै गर्नुपर्ने गरी

र हामीले भिडन्त गर्नुपरेको छ योगीहरूसँग
हामी आफैँ नै योगी हौँ भन्ने बुझाउनलाई

रगतको नाता छ तिमी र म बीच
तिमीले कविता बनायौ आफ्ना चोटलाई
र मैले भने आफ्नो मनमा पट्टी लगाएँ ती चोटहरूको

के फरक पर्छ
एउटा किताबमा कतिवटा चोट कुँदिएका छन् भनेर
कुनै विशेष सङ्केत हैन चोट लाग्नु
साँच्चै भन्छु-
रक्तनलीको मेरो अंशमा परेको भाग जहिल्यै पनि चक्कु भयो
तर मेरा कारणले तिम्रा कविता रक्ताम्य होउन् भन्ने ध्येय
कहिल्यै पनि थिएन मेरो

यो कविता जुन तिमीलाई समर्पित गर्दैछु म
एउटी घाइते नारीद्वारा लेखिएको कविता हो
जसमा म यति थप्छु-
बाँध तिम्रा चोटहरू
र प्रकाशित गराऊ तिनलाई
तिनीहरू पुराना समाचार हुनुभन्दा अगावै ।