भारत की संस्कृति के लिए... भाषा की उन्नति के लिए... साहित्य के प्रसार के लिए
केही दाना कविता (१०) / तुल्सी थापा
Kavita Kosh से
Sirjanbindu (चर्चा | योगदान) द्वारा परिवर्तित 15:45, 16 सितम्बर 2020 का अवतरण ('{{KKGlobal}} {{KKRachna |रचनाकार=तुल्सी थापा |अनुवादक= |संग्रह=एक न...' के साथ नया पृष्ठ बनाया)
४६. जन्म
एउटा सुरूवात गजबको
अज्ञातबाट अज्ञाततर्फ
तपाईँ हामी सबैको ।
४७. जुनी
अहिले म आकाशमा उडिरहेछु
थाहै हुन्न कतिखेर त्यतै अन्धकारमा
बिलाइसक्छु ।
४८. यात्रा
घोडा छ लगाम छैन
विकल्प भने फेरि यस्तो-
लगाम छ घोडा छैन ।
४९. गलत प्रश्न
तपाईँ मान्छे नै हुनुहुन्छ हैन र ?
शङ्का गर्यौ, ठिकै गर्यौ
म मान्छे भएको भ्रम मात्र हुँ ।
५०. अन्तिम दृश्य
सञ्जय ! अब केही देखिन्न र ?
देखिन्छ महाराज !
सर्वत्र अदृश्य देखिन्छ ।
