भारत की संस्कृति के लिए... भाषा की उन्नति के लिए... साहित्य के प्रसार के लिए
बौड़ी आवा पहाड़ / नीता कुकरेती
Kavita Kosh से
Abhishek Amber (चर्चा | योगदान) द्वारा परिवर्तित 20:48, 15 नवम्बर 2020 का अवतरण ('{{KKGlobal}} {{KKRachna |रचनाकार=नीता कुकरेती |अनुवादक= |संग्रह= }} {{KK...' के साथ नया पृष्ठ बनाया)
उंचा उंचा पहाड़ देखा गैरी -गैरी गदीनी,
तौं टेड़ा मेढा बाटा देखा, सैणी सैणी पुंगड़ी
बनी-बनी क फूल फल बनी-बनी का डाला
आरू ,किन्गोड़ ,बेडू ,हिंसरी का झाला
आह कनो आहा कनो रसीलो पहाड़ आहा कनो रसीलो पहाड़
उंचा उंचा पहाड़ देखा...........
ग्वेर जन्दन गोरू का दगड़ा बोण मा
तौं घाटयूं गुंजौन्दन मोछगं धुन मा
आह कनो आहा कनो सुरीलो पहाड़ आहा कनो सुरीलो पहाड़
उंचा उंचा पहाड़ देखा...........
थड़या चैंफला जब लगदिनी चौक मा
मुल -मुल हंसदिन गौं की बेटी ब्वारियां
आह कनो आहा कनो शरमीलो पहाड़ ...आहा कनो शरमीलो पहाड
उंचा उंचा पहाड़ देखा...........
रंग बिरंगीं धोती पैनी जन्दन मेला मा
जब मिलन्दन मैती भेंटी भेंटी रोन्दिन
आहा कनो खुदेड़ पहाड़ ......आहा कनो खुदेड़ पहाड़
उंचा उंचा पहाड़ देखा...........
तुम बौडीक आवा पहाड़, तुम बौडीक आवा पहाड़,
