भारत की संस्कृति के लिए... भाषा की उन्नति के लिए... साहित्य के प्रसार के लिए
भुइँ टेकेर बाँच्नेहरू - ४ / रेमिका थापा
Kavita Kosh से
Sirjanbindu (चर्चा | योगदान) द्वारा परिवर्तित 22:36, 2 दिसम्बर 2020 का अवतरण ('{{KKGlobal}} {{KKRachna |रचनाकार=रेमिका थापा |संग्रह= किनाराका आवा...' के साथ नया पृष्ठ बनाया)
भुइँमाने दर्जीहरूका टोलमा
देशी विज्ञापनको पर्चा ।
यस्तो थोत्रे ठाउँमा पनि बस्ने हो
फेसन भन्ने कस्सैले जानेको छैन !!
उस्ताद बिस्मिल्लाह खानको विहाग सुनेर
पिल्पिलाउँदै गरेका हाम्रा दमाई दर्जिनीहरू ।
खोइ मुम्बई टीभीले देखाउँदैन त
आफ्नो मान्छेको आइटम शो !
राजधानीको विराट फेसन वीकमा कतै देखिएन
आफ्नो मान्छेको कलेक्सनमा चौबन्दीहरूको परेड।
कसो ?
सियोले समयको अक्षर सिउन सकेन कि
बाजाले समयको राग साध्न जानेन?
यतातिर अचेल,
दर्जीहरूका टोलमा दर्जीहरू बस्तैनन्
दर्जीको पनाति एउटी आजिलाको भट्टीमा
नोकर छ।
अचेल कसो हो
नखा'को बेला - मौका
पूरै मन लगाएर पनातिले
विरानी सिक्दैछ ।
