भारत की संस्कृति के लिए... भाषा की उन्नति के लिए... साहित्य के प्रसार के लिए
समझो बस अभिलाषी छी / अनिल कुमार झा
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:59, 21 जनवरी 2021 का अवतरण ('{{KKGlobal}} {{KKRachna |रचनाकार=अनिल कुमार झा |अनुवादक= |संग्रह=ऋत...' के साथ नया पृष्ठ बनाया)
कहो कहो तोंय वसंत हमरा
हम्में घर घर बासी छी,
आठ पहर के साथी हम्में
हम्मीं रोग उदासी छी।
जौं उमंग छौं, जौ तरंग छौ
समझोॅ हमरा साथोॅ में,
होठोॅ पर मुस्कान, थरथरी
ऐल्होॅ राखो हाथो में
हम्मीं जिजीविषा अनंत हमरा
हमरा कहोॅ प्रवासी छी।
प्रिया विहीन हम्मीं कूकै छी
प्रेमोॅ में गमगम गमकौं,
कहीं पपीहा मोर मोरनी
बनी सवासिन रं धमकौं,
बरस बरस अवतरित महंथ
हमरा ही भोग, विलासी छी।
जड़ चेतन के पुलक गान पर
मिलभौं हम्मीं मुस्कैतें,
जीवन के निर्झर सरिता संग
पैभै हमरा ही गैतें,
छी बनलोॅ तद्धित, कृदंत, हमरा
समझो बस अभिलाषी छी।
