भारत की संस्कृति के लिए... भाषा की उन्नति के लिए... साहित्य के प्रसार के लिए

घोॅर घुरी के आबोॅ जी / अनिल कुमार झा

Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:08, 22 जनवरी 2021 का अवतरण ('{{KKGlobal}} {{KKRachna |रचनाकार=अनिल कुमार झा |अनुवादक= |संग्रह=ऋत...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

पवन वसंत प्रिय पिया लागै
आबोॅ, आवेॅ नै सताबो जी,
घोॅर घुरी के आबोॅ जी।

फूल कली पर भौंरा डोलै छै
गली गली में शोर मचै छै,
पहुना सेज सजाबो जी
घोॅर घुरी के आबोॅ जी।

रही के ननदी कूट काटै छै
हमरो दुखोॅ के नै बॉटै छै,
ताप तनो के भाँपो जी
घोॅर घुरी के आबोॅ जी।

जिनगी बेरथ लागै क्षण-क्षण
मातलोॅ दिस दिस, पल पल, कण कण,
भरम भूत भगाबोॅ जी
घोॅर घुरी के आबोॅ जी