भारत की संस्कृति के लिए... भाषा की उन्नति के लिए... साहित्य के प्रसार के लिए
केना बचैबै जातोॅ हो / अनिल कुमार झा
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:19, 22 जनवरी 2021 का अवतरण ('{{KKGlobal}} {{KKRachna |रचनाकार=अनिल कुमार झा |अनुवादक= |संग्रह=ऋत...' के साथ नया पृष्ठ बनाया)
उमसी उमसी गरम बितै छै
दिन नै खाली रातोॅ हो,
दिल में अनगिन भूर करै छै
सुरज चन्द्रमा बातोॅ हो।
छौनी छप्पर उजड़ी उजड़ी
दूर खेतोॅ में छै बैठलौं,
भिनसरिया से शीतल जल भी
मोन चढ़ैने छै ऐंठलौ,
हाय हाय हरदम निकलै छै
बेदम छै जज्बातो हो।
की सजनी के सूरत निरखौं
चाह पसीना बनी बहै,
मनो के किंछा मरिये गेलै
आह कहानी कही गेलै।
ठक ठक करने गरमी राखै
घोर घाम के घातो हो,
खेल खेलै छै ई मौसम ते
घाव फुटी के बही गेलै,
बिन मथनी के दिल से माखन
हाय निकाली मही गेलै।
केना परंपत बचतै सोचौं,
केना बचैबै जातोॅ हो।
