हे जी शरद ऐलै / अनिल कुमार झा

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अनिल कुमार झा » ऋतुनेह »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

मोॅन हमरो झकास कास रंग जे खिलै
आबेॅ कहियों केना हे जी शरद ऐलै।

खेत खेत रो पानी ते बहलै सभे
आबे धरती नरम रं रहलै सभे,
बात बहलोॅ चलै छे जे डगरे-डगर
चाहै सूरूज बनी के की चमकौ मड़र,
बिन बातोॅ के बुझने जे दरद होलै
आबेॅ कहियों केना हे जी शरद ऐलै।
बात हमरोॅ तेॅ सबटा अधूरे यहाँ
ओकरा बोलै ले आबी, जी जाओं कहाँ,
साँझ होलै पखेरू भी उड़लै गेलै
रात भिजलोॅ छै चुपके से चुप्पेे रहलै,
कामना के अधूरा दरद होलै
आबेॅ कहियों केना हे जी शरद ऐलै।
शांत जीवन के संदेश बोलै छै बोल
आपनोॅ चुपकी के अनजानें देनै छै खोल,
कखनू पुरबा वहै जें दै देहोॅ दुखाय
आरू हरसिंगार झरने बिन देलकै बताय।
गुप्त रहलै न प्रीत बेपरद भेलै
आबेॅ कहियों केना हे जी शरद ऐलै।