भारत की संस्कृति के लिए... भाषा की उन्नति के लिए... साहित्य के प्रसार के लिए
पुलवामा / जटाधर दुबे
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:11, 25 मार्च 2021 का अवतरण ('{{KKGlobal}} {{KKRachna |रचनाकार=जटाधर दुबे |अनुवादक= |संग्रह=ऐंगन...' के साथ नया पृष्ठ बनाया)
पुलवामा में देशोॅ के खातिर
वीर जवान शहादत देलकै,
एक एक कतरा के बदला
भारत के सेना ने लेलकै।
देश छै हमरोॅ गौरव भूमि
बलिदानोॅ के सतत कहानी,
शान्ति खातिर सहलै जाय छै
फिर भी अपनोॅ के नादानी।
झूठ-झूठ के सपन देखावै
नौजवान केॅ भ्रमित करै छै,
मरला पर हूरोॅ के लालच
मानव केॅ राक्षस बनावै छै।
बुद्ध आरू गांधी के भारत,
प्रेम अहिंसा के छै पुजारी,
राम कृष्ण के किन्तु विरासत
अधम राक्षस पर छै भारी।
रे कपूत, तोंय भूली गेल्हैं,
जनम भूमि, माता के गौरव,
महाभारत फेरू अब होतै,
धरमयुद्ध में तोहीं कौरव।
बार बार दुस्साहस करलें,
बार बार थूकी के चाटभेॅ,
अबकी बार कुछ्छू नै बचतौ
'जय भारत' माथा पर साटभेॅ।
लाखोॅ बरसोॅ के छै भारत
अन्दर से मज़बूत बहुत छै,
आबै कोय नै तोड़ै पारतै,
देशभक्ति में शक्ति बहुत छै।
