भारत की संस्कृति के लिए... भाषा की उन्नति के लिए... साहित्य के प्रसार के लिए
ऋतु वसंत में माधव अइलै / कुमार संभव
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:05, 26 मार्च 2021 का अवतरण ('{{KKGlobal}} {{KKRachna |रचनाकार=कुमार संभव |अनुवादक= |संग्रह=ऋतुव...' के साथ नया पृष्ठ बनाया)
पग नुपूर छम-छम करनें
ऋतु वसंत में माधव अइलै।
सिंगार सोलहोॅ करि धरती सजलोॅ छै
स्वागत में चिकना के फूलोॅ फूललोॅ छै
धारी-धारी आरी-आरी पर लागै,
नव नील देह कान्हा के ही बिछलोॅ छै
मुसकी-मुसकी पग धरनें, वंशी बजैनें
ऋतु वसंत में माधव अइलै।
गीत वसंत के अमर करलकै
ठोरोॅ पर वंशी धारण करि केॅ,
वर पावी झूमै नाचै वसंत छै
वसुधा के अमर गान बनी केॅ,
धरती के कण-कण केॅ मधुमय करनें
सखी! ऋतु वसंत में माधव अइलै।
माधव वसंत की? वसंत बनी माधव
ई धरा धाम पर सच में अइलोॅ छै,
ई पछुआ-पुरवा बाग-बगीचा में
वसंत रूप धरि पिय हमरे अइलोॅ छै,
नित नूतन राग अमर वंशी में गैनें
ऋतु वसंत में माधव अइलै।
