सधैँ तिम्रो साथ हुन्थ्यो / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » मलाई जिन्दगी नै दुख्दछ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

सधैँ तिम्रो साथ हुन्थ्यो रङ्गीन रङ्गीन रात हुन्थ्यो
भने जिन्दगीमा सधैँ खुसीको नै बर्सात् हुन्थ्यो

गर्ने थिएँ तिम्रो वर्णन गीत तिम्रै लेख्ने थिएँ
तिम्रा सबै पीरलाई यो छातीले छेक्ने थिएँ
सुषुप्त मेरा उत्साहमा यदी तिम्रो आँट हुन्थ्यो
भने जिन्दगीमा सधैँ खुसीको नै बर्सात् हुन्थ्यो

तिम्रो माया सधैँ पाए जीवन भर म हाँस्ने थिएँ
मायाभित्रै रमाएर सार्थक जीवन बाँच्ने थिएँ
उदाश मेरा यी आँखामा ती आँखाको मात हुन्थ्यो
भने जिन्दगीमा सधैँ खुसीको नै बर्सात् हुन्थ्यो