बाँचिरहेछु वा मरिरहेछु / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » मलाई जिन्दगी नै दुख्दछ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बाँचिरहेछु वा मरिरहेछु
जीवन हो यो, वा म मृत्यु भोग्दैछु?

बत्तीलाई आँखाले सोधेँ, बोलेन केही पनि
रातलाई सुस्केराले सोधेँ, बोलेन केही पनि
बतासलाई उभिएर सोधेँ, बोलेन केही पनि
समयलाई आभासले सोधेँ बोलेन केही पनि

सोचिरहेछु एक्लै एकनास
जीवन हो यो, वा म मृत्यु भोग्दैछु?

छातीलाई अँगालेर सोधेँ, रोइरह्यो त्यो पनि
प्रेमलाई ब्यूँझाएर सोधेँ, रोइरह्यो त्यो पनि
आँखालाई चुपचाप सोधेँ, रोइरह्यो त्यो पनि
आँशुलाई फकाएर सोधेँ, रोइरह्यो त्यो पनि

खोजिरहेछु जवाफ एक्लै
बाँचिरहेछु वा, म मरिरहेछु?