जिन्दगीको हो यो कस्तो दुखाइ / सुमन पोखरेल

जिन्दगीको हो यो कस्तो दुखाइ सधैँभरि
केके ठोक्किने केके भत्किने यो मनैभरि

चुँडिइरहने टुक्रिरहने सँधै यौटा तार मनभित्र
झिकूँ भन्दा गाडिइने घाउ झनझनभित्र
किन जल्दछ मन, क्षितिज जलेझैँ साँझैभरि
जिन्दगीको यो कस्तो दुखाइ सधैँभरि

न रोकिनु छ कहिल्यै, न त पुग्नु छ कतै
आँखा चिम्लिएर केवल बग्नु छ कतै
जति गरे पनि बाँच्नै मुस्किल आजैभरी
जिन्दगीको हो यो कस्तो दुखाइ सधैँभरी