भारत की संस्कृति के लिए... भाषा की उन्नति के लिए... साहित्य के प्रसार के लिए
झूमै छै किसान / त्रिलोकीनाथ दिवाकर
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:48, 17 नवम्बर 2021 का अवतरण ('{{KKGlobal}} {{KKRachna |रचनाकार=त्रिलोकीनाथ दिवाकर |अनुवादक= |संग...' के साथ नया पृष्ठ बनाया)
झूमै छै किसान हो भैया, झूमै छै किसान
देखी के खरिहान हो भैया, झूमै छै किसान।
मिट्ठो-मिट्ठो तरबुज ककड़ी, बतिया छै झुखड़लो
चिकनो-चिकानो कद्दू परवल, खेतो में पसरलो
कीड़ा फतिंगा उड़ी-उड़ी, करै छै रसपान हो भैया
झूमै छै किसान।
सोनो रंग गहूँम के शीशो, कुसमी चकमक चमकै
चना-मटर रैचा, मौसरी झनझन-झनझन झनकै
धनियाँ गमकै आरी-आरी, खैतें बगरो हरान हो भैया,
झूमै छै किसान।
ढोलक झांझ मंजिरा संगे, झालें ताल मिलाबै
बच्चा-बूढ़ो-युवक सब टा चैता नाची गाबै
नया साल के नया उमंग सें, गूंजै छै जहान हो भैया,
झूमै छै किसान।
