भारत की संस्कृति के लिए... भाषा की उन्नति के लिए... साहित्य के प्रसार के लिए
भरभराउँदो बैँसभरि / श्रीपुरुष ढकाल
Kavita Kosh से
Sirjanbindu (चर्चा | योगदान) द्वारा परिवर्तित 11:31, 19 जनवरी 2022 का अवतरण ('{{KKGlobal}} {{KKRachna |रचनाकार= श्रीपुरुष ढकाल |अनुवादक= |संग्रह=...' के साथ नया पृष्ठ बनाया)
भरभराउँदो बैँसभरि
गरिबीको पानी पोखेर
काम खोज्दै विदेशिने
युवा देख्दा आँसु बरर ।
तस्करले सुशासनलाई
परित्याग गरिदिँदा
तेरो मेरो सीमा कोर्दै
धन मात्रै थुपारिदिँदा
आज हाम्रो यो गति भो
भोलिकालाई दुःख नपरोस्
जाँगरिला युवाहरू
परदेशमा जानु नपरोस्
मधुरात्रि नसकिँदै
मायालुलाई एक्लै पारेर
काम खोज्दै विदेशिने
युवा देख्दा आँसु बरर ।
धन मात्रै होइन तिनको
मन पनि आफ्नो रहेन
हाँसो मात्र होइन तिनको
आँसु पनि आफ्नो रहेन
पश्चात्तापमा जलिरहे
प्रायश्चित हुनै सकेन
जसका लागि धन थुपारे
‘ऊ’ नै आफ्नो हुन सकेन
बाबुआमा, दाजुभाइलाई
ऋणको गह्रौँ भारी छोडेर
काम खोज्दै विदेशिने
युवा देख्दा आँसु बरर ।
