भारत की संस्कृति के लिए... भाषा की उन्नति के लिए... साहित्य के प्रसार के लिए
चन्द्रमा आफैँ छँदैछ्यौ / भीमनिधि तिवारी
Kavita Kosh से
Sirjanbindu (चर्चा | योगदान) द्वारा परिवर्तित 20:58, 11 फ़रवरी 2022 का अवतरण ('{{KKGlobal}} {{KKRachna |रचनाकार=भीमनिधि तिवारी |अनुवादक= |संग्रह=...' के साथ नया पृष्ठ बनाया)
चन्द्रमा आफैँ छँदैछौ पर्छ पाउडर लाउनु ?
ओठ मानोँ रक्त खस्ला पर्छ लाली लाउनु ?
क्या छ सुन्दर, क्या मनोहर क्या रसीलो भाविलो
नक्कले तिर्छी नजरमा पर्छ गाजल लाउन ?
रूप जसको छैन उसले गर्दछे शृङ्गार उति
अप्सराजस्ती तिमी छौ पर्छ टीका लाउनु ?
हार हीरा मात गर्ने दाँत-पंक्ति देख्तछु
कानमा व्यर्थ झुलाई पर्छ यारिङ् लाउनु ?
देहकै पसिना छ तिम्रो खुश्बू चल्ने मगमगी
भित्री चोलीको कुनामा पर्छ, अत्तर लाउनु ?
घुम्दछन् भौँरा सदा आए र जसका मुखमा
फूलको रङ्गी-बिरङ्गी पर्छ गुच्छा लाउनु ?
..................................
बयासी र बीस गजल-बाट, १९६३
