भारत की संस्कृति के लिए... भाषा की उन्नति के लिए... साहित्य के प्रसार के लिए
साथी / कुन्दन शर्मा
Kavita Kosh से
Sirjanbindu (चर्चा | योगदान) द्वारा परिवर्तित 10:03, 15 फ़रवरी 2022 का अवतरण ('{{KKGlobal}} {{KKRachna |रचनाकार= कुन्दन शर्मा |अनुवादक= |संग्रह= एउ...' के साथ नया पृष्ठ बनाया)
प्रिय पुरुष ।
आऊ साथी भई
बाँचौँ अब ।
पिता भनी मानें तिमीलाई
भाइ जानी चाहें
प्रेमी ठानी पछि लागें तिम्रो
पति मानी पुर्जे
पुत्र पाई गद्गद भएँ म
तर,
सबै सम्बन्धमा
जन्मेर बाँचेपछि पनि
सबै सम्बन्धलाई
जन्माएर हुर्काएपछि पनि
मनका कुरा मनमै रहे
भन्न सकिन्न कसैलाई केही ।
अंशअंश दिदै गएँ
सबै सम्बन्धमा सबैलाई
केही बचेन मेरो
अन्त्यमा आफैलाई ।
फगत छाया भई पछि लागें तिम्रो
कुनै रूपमा पनि साथी हुन सकेनौं
हामी एकअर्काको ।
साथी !
केही बोली, नबोली
जीवनका अनुभूति केलाउने
भावनालाई सुमसुम्याउने
एउटा मधुरो सम्पर्क ।
साथी !
केही नदिई, नमागी
कुनै अपेक्षा, आकाङ्क्षा नराखी
खालि एकअर्कालाई
बुझ्न सक्ने सामर्थ्य ।
प्रिय पुरुष !
बस साथी भई केही पल
साथ देऊ अब मेरो ।
