भारत की संस्कृति के लिए... भाषा की उन्नति के लिए... साहित्य के प्रसार के लिए
ओळख रै चांनणै / चंद्रप्रकाश देवल
Kavita Kosh से
आशिष पुरोहित (चर्चा | योगदान) द्वारा परिवर्तित 15:53, 17 जुलाई 2022 का अवतरण ('{{KKGlobal}} {{KKRachna |रचनाकार=चंद्रप्रकाश देवल |अनुवादक= |संग...' के साथ नया पृष्ठ बनाया)
नीं कीं लेण-देण
नीं कोई मांग-तांग
तौ ई म्हैं आवण री करूं वार-वार
थारै द्वार
जद कद तूठै कांयस
जद कद खूटै थ्यावस
म्हारै आवण री जचै हरेक दांण
थारै द्वार
ज्यूं म्हे जावां वारंवार
क्लासिकां कनै
नवै समियै अरथवांन व्हैण नै
पेड़्योड़ै बगबत सामरथवांन व्हैण नै
कठै ई थूं वौ इज तौ कोनीं!
