भारत की संस्कृति के लिए... भाषा की उन्नति के लिए... साहित्य के प्रसार के लिए
ओळूं नै अवरेखतां (6) / चंद्रप्रकाश देवल
Kavita Kosh से
आशिष पुरोहित (चर्चा | योगदान) द्वारा परिवर्तित 16:09, 17 जुलाई 2022 का अवतरण ('{{KKGlobal}} {{KKRachna |रचनाकार=चंद्रप्रकाश देवल |अनुवादक= |संग...' के साथ नया पृष्ठ बनाया)
कदै-कदै किणी दूजै री ओळूं
अपांरै सपनै गफलत सूं आय बाजै।
पछै कांई? आप जांणौ ई कोनी तो ई रूं-रूं में रास रचै। आप उण नाच री ताछ में अणहद भाळौ। अणहद व्है कांई भलांई औ कोनी जाणौ। आप आपरौ आपौ उछाळौ। खुद रौ भलौ-भूंडौ कीं नीं भाळौ। पण पराई तो हरमेस पराई रैवै आप आ क्यूं कोनी जाणौ। खुदोखुद नै अेकूकी परख री खराद माथै पतवांणौ।
करौ भलांई आप आपरौ मन मोळौ
अैड़ौ करणौ किणी नै कद छाजै?
