भारत की संस्कृति के लिए... भाषा की उन्नति के लिए... साहित्य के प्रसार के लिए
यो दुई थोपा आँसु / हरिभक्त कटुवाल
Kavita Kosh से
Sirjanbindu (चर्चा | योगदान) द्वारा परिवर्तित 21:20, 2 सितम्बर 2023 का अवतरण
यी दुई थोपा आँशु
मैले मेरै लागि साँचेको
भोलि रुनलाई कसैकोमा आँशु
होला कि नहोला।
दुःख-वेदनामा रोइदिन्छ आँशु
खुसीको सीमामा झरिदिन्छ आँशु
भोलि रमाउन कसैकोमा आँशु
होला कि नहोला।
भन्न नसकेका बोलिदिन्छ आँशु
पीर बाँधिएका खोलिदिन्छ आँशु
भोलि पीर पोख्न कसैकोमा आँशु
होला कि नहोला।
बितेका दिनको कथा लेख्छ आँशु
मिलन-बिछोडको व्यथा लेख्छ आँशु
भोलि लेख्नलाई कसैकोमा आँशु
होला कि नहोला।
