भारत की संस्कृति के लिए... भाषा की उन्नति के लिए... साहित्य के प्रसार के लिए
ए जिन्दगी ! / सानु शर्मा
Kavita Kosh से
Sirjanbindu (चर्चा | योगदान) द्वारा परिवर्तित 23:21, 14 अगस्त 2024 का अवतरण ('{{KKGlobal}} {{KKRachna |रचनाकार=सानु शर्मा |अनुवादक= |संग्रह= }} {{KKCatKa...' के साथ नया पृष्ठ बनाया)
ए जिन्दगी !
अलिकति उत्साह भर
दे अलिकति प्रोत्साहन, र
अलिकति कारण दे मलाई
बाँच्नका लागि ।
आँशुले धोएर सुकाएको र
सुक्न नपाउँदै हराएको
धमिलोधमिलो मेरो मुस्कान
कहीँ कतै फेरि भेटिएछ भने
आक्कल झुक्कल नै सही
हाँसिदिउँला मै पनि ।
मेहनतले बुनेर अग्लाएको र
अग्लिँदा अग्लिँदै भत्किएको
टुक्राटुक्रा मेरा आशाहरू
कहीँ कतै फेरि जोडिएछन् भने
लड्दैपड्दै नै सही
बाँचिदिउँला म पनि ।
विचार गर
ए जिन्दगी !
एकपल्ट, राम्ररी विचार गर ।
००००
