भारत की संस्कृति के लिए... भाषा की उन्नति के लिए... साहित्य के प्रसार के लिए
जिजीविषा / सानु शर्मा
Kavita Kosh से
Sirjanbindu (चर्चा | योगदान) द्वारा परिवर्तित 23:24, 14 अगस्त 2024 का अवतरण ('{{KKGlobal}} {{KKRachna |रचनाकार=सानु शर्मा |अनुवादक= |संग्रह= }} {{KKCatKa...' के साथ नया पृष्ठ बनाया)
जीवनले मानिसलाई टेर्दैन
ऊ आफ्नै सुरमा चलिरहन्छ
बलिरहने चाहमा
हरपल जलिरहन्छ ।
सुल्टो पाइला चाले पनि
जिन्दगी उल्टो हिँडिदिन सक्छ
आफूले सिँगारिरहे पनि
ऊ आफैँ भत्किदिन सक्छ ।
भन्दछन्,
सही सोच्नाले सबै सही हुन्छ ।
तर
शिशिरको कामना गर्दा
सुनामी आइदिन सक्छ,
मुस्कानको आराधना गरे पनि
आँशुले रुझाइदिन सक्छ ।
एक थोपाको प्यास मेट्न
सिङ्गै मरुभूमीको यात्रा सक्नुपर्छ
निमेषभरको जीवनका लागि
अनेक पटक मर्नुपर्छ ।
पलपलको त्रासदी बेहोरेर पनि
हरपलको दुखाइ सहेर पनि
उफ !
यो कस्तो जिजीविषा
आँशुको रहमा, मुस्कानको लालसा ।
००००
