भारत की संस्कृति के लिए... भाषा की उन्नति के लिए... साहित्य के प्रसार के लिए
नसोध मलाई / सानु शर्मा
Kavita Kosh से
Sirjanbindu (चर्चा | योगदान) द्वारा परिवर्तित 23:30, 14 अगस्त 2024 का अवतरण ('{{KKGlobal}} {{KKRachna |रचनाकार=सानु शर्मा |अनुवादक= |संग्रह= }} {{KKCatKa...' के साथ नया पृष्ठ बनाया)
नसोध मलाई कसैले
के हुन्छ, माया लाउनुमा ?
कसैको भर पर्नुमा
कसैलाई मुटु दिएर
बदलामा विश्वास लिनुमा
मुस्कानसँग आँसु साट्नुमा
एकअर्कालाई मनमा राख्नुमा
नसोध मलाई कसैले
के हुन्छ, माया लाउनुमा ?
बाँचेका पलपलहरू
एक अर्कासँग बाँड्नुमा
कसैको अँध्यारोमा
उज्यालो लिएर उदाउनुमा
जीवनमा इन्द्रेणी भर्नुमा
नसोध मलाई कसैले
के हुन्छ, माया लाउनुमा ?
कसैको मनमा रहनुको आनन्द
चुपचाप चुपचाप उठाउनुमा
कसैलाई मनमा राख्नुको खुशी
आफैँसँग मनाउनुमा
नसोध मलाई कसैले
के हुन्छ, माया लाउनुमा ?
जिन्दगीसँग अलिकति मुस्कान चोर्नमा
कसैसँग सँगसँगै बाँच्नमा
जीवनलाई सार्थक बनाउनुमा
नसोध मलाई कसैले
के हुन्छ, माया लाउनुमा ?
मायाकै लागि जिउनुमा
मायाकै लागि मर्नुमा
नसोध कोही मलाई
के हुन्छ माया लाउनुमा ?
००००
