गतिरोध / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » इत्थंविध चित्र : इत्थंविध कविता »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

 
देखिरहेछु,
कन्दराबाट चियाइरहेका प्रकाशहरू
प्वाँखहरू

अग्लिएर पुगे पनि आफै आफ्नो उचाइमा
आरोपित भई उभिनु छ
अरूकै तातो अरूकै ओतमा
खसे पनि आवेगको असिना जसरी
आँसु र तिरस्कारको आघातमा पर्नु छ
जीवनको सपना देखाएर
मृत्यु रचाउने स्पर्शका निम्तिसमेत
जूनको मुस्कान छर्न विवश छ...

आफ्नै आकाशको सीमासँग
विगठित हुनु बारबार र पर्खनु उज्यालोलाई
पहराहरूको प्रतिगर्जनमा संरक्षित ठानेर आफूलाई
निसास्सिँदै बाँच्नु मझेरीको एउटा कुनामा...

मझेरीमा सरेदेखि जून
आफ्नै अँध्यारोले ढाक्दै बाँचेको छ,
उसको सम्पूर्णता।