शोभा बढाइरहेँ मैले / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » सौन्दर्यको सङ्गीत »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तिम्रा पाइलामा पाइला मिलाइरहेँ मैले
तिम्रो प्रेमयात्राको शोभा बढाइरहेँ मैले

आजीवन जसलाई मैले भूल्न चाहिरहेँ
उसैलाई सम्झिसम्झी मन दुखाइरहेँ मैले

तिम्रा आँखा खोज्दै थिए पीरतीका बातहरू
नचाहेका मनका दुःख सुनाइरहेँ मैले

सम्झनामा रात-दिन मेरो उही आइरह्यो
जसको यादलाई दिन-रात मेटाइरहेँ मैले

हरेक हार पश्चात् लडेँ नयाँ युद्ध अर्को
यसै गरी जिन्दगीलाई ब्यूँताइरहेँ मैले

बाँच्दिनँ भनी घुर्क्याइरह्यो जीवनले बारम्बार
अनेक सपना देखाएर फकाइरहेँ मैले

पीरतीको घाउजस्तै सधैँभरी दुखिरह्यो
जीवन भनी जसलाई बँचाइरहेँ मैले

सल्काउँदै निभाउँदै गर्‍यो जसले, सुमन !
उसकै अदालतमा मुटु बुझाइरहेँ मैले