मेरो कोठामा / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » सौन्दर्यको सङ्गीत »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तिमी गयौ, यो मन हर्षित छैन मेरो कोठामा
मनको दुखाइ सीमित छैन मेरो कोठामा
 
बेग्लै मजा थियो तिमीलाई फकाउनुको
तिमी नहुँदा हारजीत छैन मेरो कोठामा
 
वर्षात् छ हजारौँ कल्पना र सम्झनाको
तिम्रो कुनै चिज विस्मृत छैन मेरो कोठामा
 
न पर्दा हल्लिएका छन् न दीप चलमलाउँछ
तिमी छैनौ, जोश जीवित छैन मेरो कोठामा
 
टुङ्गो छैन कति बेला कता बग्ने हो झरेर ?
आँसु आज सुरक्षित छैन मेरो कोठामा
 
बिछोडको यो रातमा निश्वास चिसोचिसो छ
मानौँ कुनै कोठा उपस्थित छैन मेरो कोठामा
 
चुरा, कल्ली, पाउजू, झुम्का, र त्यो चाल तिम्रो
तिमी नहुँदा कुनै सङ्गीत छैन मेरो कोठामा
 
कसरी बसूँ यो नीरव उदासीमा सुमन !
रात छ, म छु तर, प्रीत छैन मेरो कोठामा