भारत की संस्कृति के लिए... भाषा की उन्नति के लिए... साहित्य के प्रसार के लिए
आँखाको निश्चल पुतलीमा / पारिजात
Kavita Kosh से
Sirjanbindu (चर्चा | योगदान) द्वारा परिवर्तित 11:29, 4 सितम्बर 2024 का अवतरण ('{{KKGlobal}} {{KKRachna |रचनाकार= पारिजात |अनुवादक= |संग्रह= }} {{KKCatKavita}}...' के साथ नया पृष्ठ बनाया)
के तपाईँले थाहा पाउनु भो’ भन्दै
रुख, बिजुलीको लट्ठा र लेटर बक्सलाई
समेत मान्छे ठानेर
मान्छे नै मानेर
घच्घच्याउँदै हिँडिरहेछ
एउटा सन्तुलित सत्य बोकेको
असन्तुलित मान्छे ,
उसले केवल मान्छेलाई घच्घच्याउँदै छैन
उसले भित्तालाई समात्दै छ
माइलस्टोनलाई पनि तान्दै छ र सोध्दैछ
के तपाईले थाहा पाउनु भो ?
नेपाल भर्खरै मर्यो नि !
ट्रकले कुल्चिएर मरेको
रोडा बोक्ने बालकको मृत्युमा
उदास छाप्रोमा पर्खिरहेको
उसको एक मात्र अन्धो बाबुको
आँखाको निश्छल पुतलीमा
नेपाल भर्खरै मर्यो ।
