भारत की संस्कृति के लिए... भाषा की उन्नति के लिए... साहित्य के प्रसार के लिए
उड़ि गेल बगरा अपन देस / दीपा मिश्रा
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 19:45, 15 अक्टूबर 2024 का अवतरण ('{{KKGlobal}} {{KKRachna |रचनाकार=दीपा मिश्रा |अनुवादक= |संग्रह= }} {{KKCat...' के साथ नया पृष्ठ बनाया)
भिनसर उड़ि आएल छल अंगना
चुनैत रहल ओ दाना चुंगना
हीत मीत के संगहि अनलक
बाजल नाचल गीतो गाओलक
तखने जोड़सँ ठनकल ठनका
तितिर बितिर छिड़ियाएल धनुका
झड़ि गेल अंगना झड़ि गेल आम
उजरल उपटल खेत दलान
हम सब किछु बस देखैत रहलौं
बुझितो सुझितो किछु नै बजलौं
मोनक सब किछु मोनहि रहि गेल
उड़ि गेल बगरा अपन देस!
