भारत की संस्कृति के लिए... भाषा की उन्नति के लिए... साहित्य के प्रसार के लिए
पछिल्लो ढुक / सानु शर्मा
Kavita Kosh से
Sirjanbindu (चर्चा | योगदान) द्वारा परिवर्तित 07:28, 11 जनवरी 2025 का अवतरण ('{{KKGlobal}} {{KKRachna |रचनाकार=सानु शर्मा |अनुवादक= |संग्रह= }} {{KKCatKa...' के साथ नया पृष्ठ बनाया)
भन त
कहाँ खोज्यौ ?
आँखामा, सिरानीमा,
निन्द्रामा वा सपनीमा
जहाँ जतासुकै खोजे पनि
मन छाम्न बिर्सियौ शायद तिमीले ।
जहाँ तिमी छौ,
तिमीले खोजेको भए
म पनि त्यहीँ छु !
शाश्वत मान्छे म
मायाको अनादि नियममा बाँधिएकी छु
तिमीले प्रकटरूपमा नसम्झिए पनि
टाँसिइरहेकी छु तिम्रो चेतनामा
लुट्पुटिइरहेकी छु तिम्रो अस्तिस्वमा।
के, तिमीले ध्यान दिएर सुन्यौ
आफ्नो मुटुको ढुक...ढुक
ढुकढुक, ढुकढुक ?
तिम्रो धड्कनमा
यो जो दोहोरो धून छ नि,
हो, त्यो धूनमा धड्किने पछिल्लो ढुक
म नै हुइनँ र ?
००००
