भारत की संस्कृति के लिए... भाषा की उन्नति के लिए... साहित्य के प्रसार के लिए
मुनि के सङ्ग बिराजत बीर / तुलसीदास
Kavita Kosh से
अनिल जनविजय (चर्चा | योगदान) द्वारा परिवर्तित 20:22, 27 जनवरी 2009 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास }} <poem> '''राग कल्याण''' मुनिके सङ्ग बिराजत ...)
राग कल्याण
मुनिके सङ्ग बिराजत बीर
काकपच्छ धर, कर कोदण्ड-सर, सुभग
पीतपट कटि तूनीर ||
बदन इंदु, अंभोरुह लोचन, स्याम गौर
सोभा-सदन सरीर |
पुलकत ऋषि अवलोकि अमित छबि, उर न
समाति प्रेमकी भीर ||
खेलत, चलत,करत मग कौतुक, बिलँबत
सरित-सरोबर-तीर |
तोरत लता, सुमन, सरसीरुह, पियत
सुधासम सीतल नीर ||
बैठत बिमल सिलनि बिटपनि तर, पुनि पुनि बरनत छाँह समीर |
देखत नटत केकि, कल गावत मधुप, मराल, कोकिला, कीर ||
नयननिको फल लेत निरखि खग, मृग, सुरभी, ब्रजबधू, अहीर |
तुलसी प्रभुहि देत सब आसन निज निज मन मृदु कमल कुटीर ||
