भारत की संस्कृति के लिए... भाषा की उन्नति के लिए... साहित्य के प्रसार के लिए
घर/ नीरज दइया
Kavita Kosh से
Neeraj Daiya (चर्चा | योगदान) द्वारा परिवर्तित 05:40, 23 अक्टूबर 2010 का अवतरण (नया पृष्ठ: <poem>थूं अर म्हैं पाळ्यो हजार-हजार रंगां रो एक सुपनो । थारी अर म्हार…)
थूं अर म्हैं पाळ्यो
हजार-हजार रंगां रो
एक सुपनो ।
थारी अर म्हारी दीठ रो
थारै अर म्हारै सुपनां रो
एक घर हो
जिको अबै धरती माथै
कदैई नीं चिणीजैला ।
मा कैवै-
मूरखता है
घर थकां रिधरोही मांय हांडणो ।
बाळ दे – नुगरा सुपनां नै
जिका दिरावै थाकैलो
अर करावै
बिरथा जातरा ।
